Profesori amerikan i ekonomisë Steve Hanke ka reaguar sërish në lidhje me protestat në Shqipëri, duke bërë thirrje për largimin e kryeministrit Edi Rama.
Në një postim në platformën “X”, Hanke shkruan: “Revolucioni i Flamingove ka këmbë. Është koha që kryeministri Rama të bëjë gati valixhet.”
Hanke ku publikuar edhe një shkrim të Al Jazeera në lidhje me mbërritjen në Shqipëri të tre anijeve që iu bashkuan “Revolucionit të Flamingove”.
Në shkrimin thuhet: “Tre anije nga Flotilja Globale Sumud mbërritën në Vlorë të Shqipërisë të premten për të mbështetur “Revolucionin Flamingo”, një lëvizje që kundërshton një vendpushim luksoz të planifikuar të lidhur me Jared Kushner. Organizatorët bënë paralele me shqetësimet për shpronësimin e tokës dhe mbrojtjen e mjedisit”.
Reagimi i ekonomistit amerikan vjen në mbështetje të protestave që vijojnë prej tre muajsh në Tiranë. Hanke e ka komentuar edhe më herët lëvizjen e qytetarëve shqiptarë.
Në reagimet e tij të mëparshme, profesori amerikan ka kërkuar që Rama të largohet nga pushteti, duke e lidhur protestat edhe me kundërshtimin ndaj projektit të Jared Kushner në Shqipëri.
THE FLAMINGO REVOLUTION HAS LEGS.
IT’S TIME FOR PM RAMA TO PACK HIS BAGS. https://t.co/ocMBCqjrRv
— Steve Hanke (@steve_hanke) August 22, 2026
Discussion about this post