Banorët e Dibrës dhe disa përfaqësues të Shoqatës për mbrojtjen e Luginës së Drinit të Zi, protestuan ditën e sotme kundër projektit të qeverisë për ndërtimin e Hidrocentralit të Skavicës. Ata gjithashtu, kërkuan transparencë për këtë, ndërsa nuk pranojnë ndërtimin e basenit, që sipas tyre përmbyt gjithë fushën e Dibrës.
Nga ana tjetër, kësaj proteste ju bashkuan edhe banorë të Dibrës, të cilët ngritën zërin kundër projektit.
“Është një krim që i bëhet Dibrës. Të shpërngulësh 33 fshatra do të thotë një katastrofë. Të mos ndërtohet Skavica fare.”
Nga ana tjetër, ata akuzojnë qeverinë për mungesë transparence.
“Nga qeveria shqiptare na është thënë se jemi në fazën e fizibilitetetit, ndërkohë që këtu vazhdon puna në mënyrë intensive, janë hapur rrugët.”
Gjithashtu, ata nuk pranojnë ndërtimin e basenit, që sipas tyre përmbyt gjithë fushën e Dibrës.
“Nuk ka më Dibër të vogël, mbulohet me ujë. Kryeministri ynë që nuk ja vlen me i thënë Kryeministër, po i bën masakrën më të madhe Dibrës.”
Së fundmi, sipas shoqatës ndërtimi i Skavicës me 485 m lartësi, përmbyt 16 mijë hektarë tokë, 35 fshatra me rreth 15 mijë banorë.
Kryeministri ka premtuar se Hidrocentrali i Skavicës do të vihet në punë brenda mandatit të 3-të të qeverisë, duke mundësuar që të rriten kapacitetet prodhuese dhe për 3 hidrocentralet ekzistuese. Investimi në total parashikohet 550 milionë dollarë ndërsa përgatitjet në terren janë inspektuar edhe nga ambasadorja amerikane Yuri Kim.
Discussion about this post