Protestë për aksin Thumanë- Kashar, banorët përplasen me forcat e policisë

Sërish protestë në aksin Thumanë-Kashar. Banorët e Krujës dhe Fushë Krujës po protestojnë edhe sot pasi rruga e re nuk është e aksesueshme prej tyre, ndaj kërkojnë hyrje dhe dalje të re për shtëpitë dhe bizneset e tyre

Kërkesa thelbësore e qytetarëve ëshë hapja e një rruge dytësore.

“Na hapni rrugë dytësore, po na dëmtoni fëmijët. Nuk kemi mundësi të hapim dyert e shtëpisë nga pluhuri i kamionëve që kalojnë”, ka thënë një protestues .

Qytetarët mes brohoritjeve janë përplasur me forcat e policisë për të hapur rrugën.

Disa protestues i kanë vendosur zjarrin disa shkurreve. Në vendngjarje ka mbërritur një zjarrfikëse e cila po punon për fikjen e flakëve. Po ashtu raportohet se disa nga protestuesit kanë qëlluar me gurë drejt forcave të policisë.

Në këtë protestë i pranishëm është edhe Adriatik Lapaj, kreu i Lëvizjes ‘Shqipëria bëhet’.

Gijotina.com/