Një nga organizatorët e protestës Adriatik Lapaj i ka kthyer përgjigje Ramës që e quan protestën, një turp. Lapaj ka thënë në protestën që po zhvillohet se ky tubim po bëhet për të fituar dinjitetin, për gjyshërit tanë që Rama iu merr pensionet, edhe për të rinjtë që qeveria i lë pa punë dhe i detyron të largohen. Ai tha se paratë që shfrytëzon qeveria për interesat e veta janë të popullit dhe te populli duhet të shkojnë
“Ju jeni fytyra më e bukur e Shqipërisë sot, ku nuk është sheshi i turpit, kjo është një protestë e njerëzve të lirë, për dinjitetin, kjo është një protestë për gjyshërit tanë, kjo është një protestë që të rinjtë të mos ikin më nga ky vend.
Ky shesh ka arritur për herë të parë të bashkojë vullnetet, duke i detyruar të ulin çmimin e naftës, duke kaluar nga teoria, që nuk mundemi, te po bëjmë aq sa mundeni. Ata munden më shumë, ato nuk janë lekët e tyre, ato janë lekët tuaja, ne do ti detyrojmë që të na trajtojnë me dinjitet. Kur ata bëhen bashkë, qytetarët fitojnë, ju fitoni. Fitorja më e madhe e kësaj protestë është krijimi i vetëdijes qytetare, që ata nuk mund të tallen me ne”, u shpreh ai. Ndërsa theksoi se qeverisë i mbaroi afati, ata nuk largohen sot nga sheshi.
Discussion about this post