Një protestë është duke u zhvilluar këtë të hënë pranë shtëpisë së kryeministrit Edi Rama në Surrel.
Një grup qytetarësh, të rinj të FRPD dhe simpatizantë të PD janë mbledhur rreth 1 km larg nga shtëpia e kryeministrit dhe me pankarta në duar i kërkojnë të largohet nga detyra.
Duket se kjo protestë kja ardhur pas publikimit të çështjes së ish-zyrtarit “McGonigal”, i cili ndër të tjera po hetohet edhe për lidhjet me Shqipërinë.
Në pankartat e të rinjve shkruhet “faktet dolën, jep dorëheqjen” teksa në foto shfaqet Rama dhe ish-zyrtari i FBI-së Charles McGonigal.
Një prej protestuesve ka thënë se Rama është i vendosur të shkatërrojë opozitën.
“Nëse deri dje kërkonim që ai të largohej, sot kërkojmë që ai të ndëshkohet me burg. Janë të paktën 2 mln euro të cilat Edi Rama i ka bërë me paratë e korrupsionit. Sot për fat ndiqet dhe nga FBI-ja. Në vend të bashkëpunonte me partnerët tanë, me SHBA-të ai shkoi dhe korruptoi për të shkatërruar opozitën. Ai është i vendosur të na shkatërrojë, ne jemi të vendosur që ai të shkojë në burg”, tha ai.
Discussion about this post