Teksa sot shënon 22 vite nga çlirimi i Kosovës, në sheshin “Skënderbeu” në Prishtinë do të mbahet një protestë për shkak të fyerjeve që po bëhen ndaj Ushtrisë Çlirimtare, UÇK-së.
Siç thuhet në njoftim, ky aktivitet do të fillojë në ora 11:00. “Mbahet aktivitet protestues përmes artit, për shkak të fyerjeve që po bëhen ndaj UÇK-së dhe në përkrahje të çlirimtarëve që gjenden padrejtësisht në dhomat e specializuara në Hagë”, thuhet në njoftim.
Specialja ka akuzuar drejtuesit e Ushtrisë Çlirimtare të Kosovës se kanë kryer krime kundër njerëzimit gjatë luftës së fundit në Kosovë. Për këto akuza ata po mbahen në paraburgim prej momentit kur ishin arrestuar në Kosovë gjatë vitit 2020.
