Protestojnë 70 gra punonjëse në fasoneri, pronarët kanë dy muaj pa ju dhënë rrogën

70 gra, punonjëse të një fasonerie në Fier, “ Ozgun Kan Albania” kane protestuar mëngjesin e kësaj të premte për largimin e tyre nga puna. Ato kanë pohuar se prej më shume se dy muajsh nuk janë paguar , ndërkohë që i kanë larguar nga puna me premtimin se do të rikthehen, gjë qe nuk ka ndodhur. Përballë kësaj situate dëshpëruese punonjëset  njëzëri kanë apeluar për zgjidhje të shpejtë të kësaj situate.

“Pavarësisht përpjekjeve tona të vazhdueshme për të kontaktuar administratoret e fasonerise , asnjë kontakt nuk kemi patur me ta” kanë thënë punonjëset.

Ndërsa theksojnë se zgjidhje nuk kane gjetur as në zyrën e punës.

“Shqetësimin tone na kane thënë ta zgjidhim në gjykatë por nuk kemi mundësitë financiare pasi prej muajsh të papaguara jetojmë në kushte mbijetese” janë shprehur plot indinjate punonjëset e pushuara nga puna.

Ato kanë kërkuar nëpërmjet mediave ndihmën e shtetit për zgjidhjen e kësaj situate.