50 persona janë shoqëruar mbrëmjen e kaluar nga polica dhe po ndiqen penalisht për shkak se protestuan kundër rritës së çmimeve. Dje qytetarë të Korçës, Lushnjës, Durrësit, Dibrës dhe Tiranës kanë marshuar në rrugë kundër rritjes së çmimit të naftës dhe ushqimeve. Në disa momente ata janë përplasur me policinë, të cilët nuk i lejonin të protestonin dhe si pasojë 50 qytetarë janë shoqëruar nëpër komisariate dhe po ndien penalisht.
Bëjmë me dije se, Policia e Tiranës ka proceduar penalisht 6 persona. Gjithashtu, edhe Polica e Korçës ka shoqëruar 10 persona, mes tyre edhe deputeti Edmond Spaho. Këta shtetas ditën e djeshme, janë organizuar dhe kanë zhvilluar një protestë në hyrje të qytetit të Korçës, e cila më pas ka kaluar edhe në zona të tjera të qytetit. Ndërkohë, trembëdhjetë qytetarë janë proceduar penalisht në Lushnje pasi kanë bllokuar kalimin e automjeteve në të dy senset e lëvizjes në aksin rrugor Fier-Lushnjë, një ditë më parë.
Policia bën me dije se këta shtetas në bashkëpunim me njëri-tjetrin në protestën e tyre të zhvilluar një ditë më parë në kuadër të rritjes së çmimeve. “Bllokuan rrugën duke mos lejuar kalimin e automjeteve në të dy senset e lëvizjes në aksin rrugor Fier-Lushnjë, procedohen penalisht 13 shtetas”, njofton policia.
Ndërsa, pesë persona janë arrestuar nga policia e Bulqizës, pasi kanë marrë pjesë në protestën e djeshme. Gjithashtu 16 të tjerë janë shpallur në kërkim. Sipas uniformave blu këta persona, dje bllokuan qarkullimin e automjeteve duke bllokuar rrugën nacionale Bulqizë-Peshkopi. Me dhjetëra persona janë proceduar edhe në qytete të tjera të vendit, pas protestave për të kundërshtuar rritjen e çmimeve. Policia e Beratit bën me dije se janë proceduar 5 persona pasi penguan qarkullimin e automjeteve duke bllokuar rrugën kryesore urbane “Antipatrea”.
Discussion about this post