Policia e Shtetit ka proceduar penalisht 10 persona pas protestës të mbajtur ditën e djeshme kundër vaksinimit të detyruar, në Sheshin Nënë Tereza.
Në njoftimin zyrtar, policia bën me dije se personat e proceduar akuzohen për një protestë të paligjshme të zhvilluar tek sheshi “Nënë Tereza” dhe më pas të zhvendosur në bulevardin “Dëshmorët e Kombit” ku kanë bërë thirrje publike për veprime të dhunshme si dhe kanë penguar lëvizjen e mjeteve të transportit.
Mes të proceduarve është dhe avokati Altin Goxhaj, i cili pasi u lirua nga Komisariati duke tha për mediet se mesazhi i protestës ishte tepër i thjesht: Georgo Soros, duart lart nga Shqipëria.
Personat janë proceduar për veprat penale “Organizimi dhe pjesëmarrja në grumbullime dhe manifestime të paligjshme”, “Thirrje publike për veprime të dhunshme” dhe “Pengimi i qarkullimit të mjeteve të transportit”.
Policia e Tiranës njoftoi po ashtu se është vënë në pranga dhe një 25 vjeçar, pasi u kap duke drejtuar mjetin pa lejen përkatëse.
