Banorët e 5 Majit vazhdojnë protestën para Kuvendit, por aty janë penguar nga policia duke iu thënë që nuk mund të lejojnë protestën e tyre. Në atë momente njeri nga protestuesit ka nxjerrë një foto ku duket se policia e ka tërhequr zvarrë gjatë kohës kur ata protestonin para shtëpive të tyre. I revoltuar i riu tha se nuk do ta lënë me aq këtë protestë pasi nuk ka më besim as tek qeveria dheas te polica, kur ata nuk e kanë dëgjuar zërin e tyre, përkundrazi e kanë tërhequr zvarrë.
“A kam të drejtë, mos ndërhy. Në Shqipëri është liria e fjalës, e të drejtës. Në pronën time mua më kanë marrë zvarrë, dhe sot policët duan të na marrin me dhunë. Kemi 4 muaj që jemi në protestë, duam një zgjidhje, nuk kemi marrë asnjë informacion. Duam që të na japin një zgjidhje një sqarim, nuk na kanë marrë parasysh, nuk kemi ardhur për dhunë por për të treguar se jemi në mbrojtje të pronave tona. Shikoje zoti polic se si më keni marrë zvarrë. Ca pres unë nga ju, do me merrni zvarrë, ja më merrni”, tha ai. Më tutje protestuesit paralajmëruan se do të vazhdojnë protestat derisa të gjejnë një zgjidhje, pasi k lejojnë më askënd që t’i shtypë.
Discussion about this post