Banorët e “5 Majit” kanë dalë sërish ën protestë ditën e sotme para Kryeministrisë. Ata thanë se po kërkojnë të drejtat e tyre edhe pse dinë që kryeministri Edi Rama nuk është aty. Një nga banorët tha se ata kanë mbetur në mes të katër rrugëve ose janë strehuar tek të afërmit e tyre. Ai u shpreh se do të vazhdojnë protestën, pasi i kanë nxjerrë me dhunë nga policia.
“Jemi simbolikisht këtu se e dimë se nuk është këtu. Ne na kanë përzënë nga banesa, kështu që mund të fusim dhe ata të Ukrainës aty. Ne rrimë te familjarët tanë. Ne i kemi prish rehatinë po njeriu për njeriun duhet. Sikur i kemi prish rehatinë dhe ne na e kanë prish. Kryeministri qan hallin e Ukrainës. Unë u arrestova se mbrojtja shtëpinë time, edhe vajza ime dhe disa të tjerë.
Tani thirrja ime është ikni nga shtëpitë tuaja se ju arrestojnë, mua me ndodhi mendoj se do i ndodhë dhe të tjerëve. Ne do protestojmë se nuk i kemi nisur për qejfin tonë, na nxorën me dhunë, do protestojmë për të drejtat tona. Do ndjekim në mënyrë ligjore, unë kërkoj strehim, nuk kërkoj mëshirë por të drejtën time. Kurrë nuk i kam rënë në qafë shtetit. Ka qenë apo s’ka qenë e drejtë unë kam paguar”, u shpreh banori.
Ndërsa ata u shprehën se është turp që Rama kërkon të ofrojë ndihmë për ukrainasit, por popullin e vetë po e lë në mëshirë të fatit.
Discussion about this post