Protestuesit i kanë bërë të qartë qeverisë se nuk pranojnë paketën sociale të paraqitur nga ai pak ditë më parë, pasi e quajnë tallje. Një nga protestuesit e cilësoi situatën ekonomike në vend si tepër të rëndë, ndërsa theksoi më tutje se 30 mijë lekë të vjetra të dhënë nga qeveria si pjesë e paketës së rezistencës sociale nuk mjaftojnë që një person të ushqehet.
“Piktori tha se 30 mijë lekë të vjetra mjaftojnë që të ushqehen. Sa prej jush janë familjar këtu? A mund të ushqehesh me 30 mijë lekë të vjetra. Thotë që ne jemi në luftë. Me kë jemi në luftë, pse duhet t’i përballojmë ne këto pasoja? Piktori është një njeri pa atdhe, pasi po të ishte me atdhe nuk do linte popullin e tij në rrugë dhe ta arrestonte. Deri kur do shkohet në këtë farë forme. A jemi në gjendje të protestojmë dhe mos të lëvizim dhe për herë të parë të shpëtojmë Shqipërinë”, tha ai. Ndërsa iu bëri thirrje qytetarëve të mos tundohen nga propaganda e Edi Ramës, pasi ka kaq vite që nuk mban asnjë premtim, por vetëm rrit taksat dhe çmimet.
Discussion about this post