Me qindra qytetarë janë mbledhur edhe ditën e sotme për të protestuar kundër rritjes së çmimit të naftës, të ushqimeve dhe energjie. Tashmë ata po marshojnë nga “Sheshi Skëndërbej” drejt Kryeministrisë, duke theksuar se nuk do ndalen dhe do zhvillojnë protestë paqësore.
Ata shprehen se nuk pranojnë asnjë negociatë pasi Rama justifikon abuzimet e qeverisë me luftën në Ukrainë. “Kryeministri po tallet, përdor luftën në Ukrainë për propagandë”, tha një protestues. Ndërsa dëgjohet të brohorasin “Qeveri hajdute” dhe “Shqipëria e shqiptarëve, vdekje tradhtarëve ”.
Ndonëse dje Bordi i Administrimit të Karburanteve vendosi që nafta do të jetë 217 lekë/litër. Qytetarët nuk e pranojnë, ato thonë se kjo është tallje dhe përpjekje për t’i mbyllur gojën.
Discussion about this post