Teksa qëndruan për disa orë para Kryeministrisë, një grup të rinjsh kanë nisur marshimin drejt qendrës së Tiranës. Protestuesit kanë nisur të ecin përgjatë bulevardit Dëshmorët e Kombit, duke bllokuar kështu qarkullimin rrugor të automjeteve.
Nga burime për gijotina.com bëhet me dije se protestuesit janë nisur drejt ministrisë së Brendshme, dhe rreth 1 mijë forca policie janë në terren për të ruajtur rendin dhe sigurinë. “Lironi shokët tanë!” brohorasin të rinjtë.
“Nuk keni pranga, mjaftueshëm për ne!, dëgjohet teksa bërtasin ata me megafon.
Kujtojmë se, sot është dita e katërt e protestës së qytetarëve në Tiranë dhe në qytete të tjera për rritjen e çmimit të hidrokarbureve dhe shportës ushqimore që është vënë re periudhën e fundit në vend.
Discussion about this post