Policia e Kosovës është vendosur para godinës së kryeministrisë ku për momentin ndodhen protestuesit të cilët kërkojnë drejtësi për përdhunimin e 11-vjeçares nga 5 burra.
Ata kanë krijuar një kordon sigurie duke bllokuar dyert e kryeministrisë pasi disa protestues kanë tentuar disa herë për të hyrë në ambientet e brendshme.
Protestuesit kanë gjuajtur me bojë të kuqe në objektin e Qeverisë si edhe para Ministrisë së Shëndetësisë. Më pas protestuesit u qetësuan dhe vendosën të ulën aty pranë policëve. Ata po kërkojnë drejtësi për dhunimin makabër të 11-vjeçares nga pesë persona në Prishtinë.
Ngjarja e rëndë ka ndodhur në Dragodan të Prishtinës më 27 gusht, ku 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Fillimisht janë arrestuar 4 nga 5 autorët e dyshuar të ngjarjes ndërkohë që i pesti u dorëzua në polici pas 3 ditësh.
Discussion about this post