Protesta në Tiranë ka nisur prej disa minutash, shihet një pjesëmarrje e madhe dhe nga të gjitha grupet e moshat. Një e re mes trishtimit ka treguar se kështu nuk vazhdohet më, pasi ajo ka familjarë të sëmurë dhe nuk përballojnë dot as ilaçet as ushqimet. “Po na pinë gjakun” tha ajo, duke i bërë thirrje qytetarëve që të bashkohen, pasi çdo parti që ka ardhur në pushtet ka punuar vetëm për interesat e veta.
“Ne protestojmë për gjithçka. Vrapojmë dhe nuk arrijmë gjëkundi. Fëmijët s’ua plotësojmë gjithçka. Pleqtë i kemi të sëmurë, ata nuk arrijnë të ushqehen vetë. Të gjithë shfrytëzojnë pushtetin për interesin e tyre dhe jo për popullin.”, tha qytetarja. Ndërkohë një qytetar tjetër tha se qeveria po i pi gjakun popullit. Po na pinë gjakun 30 vite. Kjo nuk është protestë politike por për ne vetë. Duhet të jemi 1 mln vetë këtu se na janë rritur të gjithëve çmimet”, tha qytetarja. Ndërsa u shpreh se ka ardhur bashkë me familjen dhe shoqërinë e saj në protestë, pavarësisht se nuk janë në gjendje të mirë shëndetësore.
Discussion about this post