Dita e startit të botërorit të Formulës 1 për vitin 2023 po afrohet dhe skuadrat po bëjnë kolaudimet e përditshme në mënyrë që të jenë sa më në formë për sezonin e ri që parashikohet të nisë në Bahrain, në datën 3 mars.
Gjatë testeve të ditës së enjte, të zhvilluara pikërisht në pistën ku do të zhvillohet gara hapëse e botërorit, ai që ka kryer provat më të mira ka qënë Carlos Sainz me njëvëndëshen e tij, Ferrari SF-23. Piloti spanjoll ka regjistruar numrin më të madh të xhirove në pistë (40) si dhe ka regjistruar një kohë rekord për sa i përket xhiros më të shpejtë (1 minutë 33 sekonda dhe 253 të mijtat).
Nga ana tjetër, shoku i skuadrës së Sainz, Charles Leclerc, nuk ka zbritur në pistë ditën e sotme, duke i ndjekur provat nga boksi i Ferrarit.
Discussion about this post