Pas vendimit nga ana e Kosovës për heqjen e targave serbe në territorin e Kosovës, erdhën reagime të shumta nga Serbia, ndërsa nisi edhe bllokimi i rrugëve kryesore në Jarinjë dhe Bërnjak.
Ky bllokim ka vijuar dhe është në ditën e katërt që pas ditës së hënë, ditë kur qeveria e Kosovës nisi zbatimin e reciprocitetit për targa me Serbinë duke vënë targa të përkohshme për veturat me targa të Serbisë që hyjnë në shtetin kosovarë.
Tashmë është bërë edhe ndërrimi i Njësive të Policisë së Kosovës. E gjatë kohës së ndërrimit të njësive, serbët kanë dëgjuar këngë nacionaliste.
Rruga vazhdon të jetë e bllokuar dhe vërehet numër dukshëm me i vogël i protestuesve ndërsa më i madh i atyre që kalojnë kufirin këmbë nga Serbia në Kosovë dhe anasjelltas.
Policia e Kosovës vazhdon të jetë e pozicionuar përgjatë kufirit, duke mbajtur nën kontroll situatën.
