Lufta e Kosovës mbetet nga ato ngjarje të cilat nuk mund të harrohen kurrë, pavarësisht se koha kalon, ajo është një plagë për shqiptarët. Madje, sa herë ka pasur përplasje e debate me përfaqësuesve serbë e atyre nga Kosova kohëve të fundit, pavarësisht çështjes aktuale, kjo luftë është kthyer në kryetemë. E tillë ka qenë dhe ajo e sotmja ku gjatë mbledhjes së Këshillit të Sigurimit të OKB, u regjistrua një përplasje mes Presidentes së Kosovës Vjosa Osmani dhe Ministrit të Jashtëm serb, Nikola Selakoviç. Ka qenë Osmani ajo e cila i ka kërkuar ministrit serb të gjunjëzohet para monumenteve të viktimave të luftës në Kosovë dhe të kërkojë falje për gjenocidin e kryer nga Serbia.
“Ju ftoj të gjunjëzoheni aty, se këtë e bënë qenia njerëzore, kur nuk bëhet drejtësi”, tha Osmani.
Më tej ka përmendur dhe masakrën e Poklekut ku u regjistruan 53 viktima, duke i kërkuar atij të gjunjëzohet përpara pllakës përkujtimore. Në masakrën e Poklekut u vranë e më pas u dogjën 53 shqiptarë, nga forcat serbe.
Ministri serb bëri disa provokime të rënda duke përmendur këtu dhe Aleksandër Vuçiçin, për të cilin duhet të ngrihen në këmbë në momentet kur bëhet fjalë për të. Ky ishte një reagim jonormal, ku pesha e fjalëve të Osmanit ishte e pakrahasueshme me deklaratat aspak të pjekura të ministrit serb. Ai i vijoi edhe më tej deklaratat ndaj Osmanit, duke e cilësuar Vuçiçin si president edhe për Kosovën, gjë e cila është e pavend, pasi Kosova tashmë ka shtetin e saj.
Selakoviç vijoi më pas dhe duke përmendur ish presidentin e Kosovës Hashim Thaçi, të cilin e ka cilësuar si “Kasap i Ballkanit”, madje duke e akuzuar për rrëmbim dhe trafikim të qytetarëve, për të cilat po përballet në gjykatë.
