Aktivistja Gresa Hasa ka zgjedhur ditën e Pavarësisë së Shqipërisë për të provokuar jo vetëm ndjekësit e saj në rrjetet sociale. Ajo ka postuar një flamur të komunitetit LGBT+, duke vendosur shqiponjën dykrenare, duke krijuar kështu një flamur shumëngjyrësh me shqiponjën që ndodhet në flamurin kombëtar.
Në një postim në rrjetin social “X”, Hasa ka shpalosur këtë flamur me mesazhin se shqiptarët duhet të çlirohen nga nacionalizmi dhe patriarkalizmi.
“Sot është dita e pavarësisë së Shqipërisë. Siç e kuptoj unë, pavarësia duhet të jetë çlirimi nga të gjitha sistemet e shtypjes – përfshirë patriarkalizmin dhe nacionalizmin. Gëzuar”, shkruan ajo.
Postimi i saj nga ngjallur jo pak reagime, mesa duket duke e detyruar Hasën të mbyllë mundësinë e komentimit në postimin e saj.
Edhe në postimet e mëparshme, aktivistja Hasa nuk ka kursyer gjuhën përçmuese dhe tallëse ndaj paradës së organizuar në bulevardin “Dëshmorët e Kombit”, ku parakaluan edhe personazhe të veshur si heroi kombëtar Skënderbeu dhe babai i Pavarësisë, Ismail Qemali.
Discussion about this post