Trajneri i Tiranës, Orges Shehi, ka folur për faqen zyrtare të klubit Tirana. Sipas tij, faza përgatitore po shkon shumë mirë.
“Faza përgatitore po shkon mirë. Lojtarët kanë marrë ngarkesa dhe pa dëmtime, që është shumë e rëndësishme. Besoj tani që ulen ngarkesat, forma do të vijë në rritje, sepse vjen dhe freskia e lojtarëve pas ngarkesës që kanë marrë. Prurjet e reja janë me shumicë dhe përpos anës fizike, tekniko-taktike, është shumë e rëndësishme njohja dhe përshtatja me njëri-tjetrin”, tha ai.
Tirana do të presë Dinamo Batumin në datën 13 korrik për turin e parë eliminator të Ligës së Konferencës. Takimi i parë do të luhet në “Air Albania” në orën 20:00, ndërsa ndeshja e kthimit do të luhet në datën 20 korrik në Gjeorgji.
Discussion about this post