“Big Brother VIP” do të hap dyert e shtëpisë ditën e nesërme për dy konkurrent të rinj.
Lajmi është konfirmuar nga vetë moderatorja e programit, Arba Osmani, e cila në disa video që ka postuar në Instastory, teksa filmonte stafin e saj, ajo pyet gazetaren se “çfarë do të ketë nesër” dhe njëra prej tyre përgjigjet: “Nesër surprizë. Dy hyrje të reja, apo nuk duhet t’i themi?”.
“Sapo i tha”, ia pret tjetra, ndërsa dëgjohet të thuhet se janë “dy super çuna”. Madje njëra gazetare duke qeshur thotë: “Thuaj se janë nga Kosova e mos të na ndjekin nesër fare”.
Nuk dihet ende se cilët do jenë dy hyrjet e reja, por siç duket ky do të jetë një lajm i mirë për vajzat, të cilat janë shprehur se duan që brenda shtëpisë të futen djem beqarë.
Hyrja e fundit në shtëpinë më të famshme në Shqipëri ishte aktori Igli Zarka. Ndërkohë, para tij kishin hyrë në shtëpi tre vajzat e njohura të ekranit shqiptar, Einxhel Shkira, Beatrix Ramosaj dhe Sara Berisha.
Kujtojmë që këtë javë janë të nominuar Arditi dhe Donaldi. Ishte Fifi ajo që e nominoi Donaldin, duke qenë se u zgjodh si e preferuara e publikuat, duke shpëtuar kështu Granitin.
Discussion about this post