Pasi PS refuzoi të shkojë në Komisionin Hetimor për Inceneratorët, kryetarja e Komisionit, Jorida Tabaku akuzoi maxhorancën që nuk do që t’i shkojë deri në fund hetimeve për këtë aferë korruptive.
Deputetja demokrate theksoi se refuzimi i sotëm i PS për të bojkotuar mbledhjen e komisionit ishte justifikim dhe i papranueshëm, ndërsa paralajmëroi se nëse përsëritet situata do të shkohet deri te paditë penale.
“Refuzimi i PS ishte me justifikimin se ka përfunduar sesioni parlamentar. Por sot që flasim këto seanca janë duke u mbajtur. Është për të ardhur keq që PS bojkoton sot mbledhjen. PS premtoi se nuk do të kishte mbrojtje politike për këtë çështje. Ky komision dhe SPAK po i afrohen të vërtetës. Ndërkohë që Lefter Koka është fillimi, i pari që duhet të shkojë para drejtësisë, PS është vënë në mbrojtje të interesit korruptiv, Kokës, Gugallës, Mërtirin”, tha Tabaku.
Mes të tjerash, Tabaku i bëri thirrje SPAK që të hetojë skandalin, duke e nisur nga kryeministri Edi Rama dhe zv.kryeministri Arben Ahmetaj.
Discussion about this post