Pas konferencës së kryetarëve deputeti i Partisë Demokratike, Enkelejd Alibeaj, u shpreh se e u ridepozitua kërkesa për komisionin për investimet strategjike tashmë edhe me 47 firma. Alibeaj tha se mazhoranca e hodhi poshtë një kërkesë të tillë duke shtuar se kjo e demaskoi Ramën dhe qeverinë e tij.
“Ne ridepozituam kërkesën tonë tashmë edhe me 47 firma. Në mënyrë antikushtetuese dhe antilogjike, nga mazhoranca u rrëzua kjo kërkesë. Madje instanca e fundit që shprehet për ngritjen e një komisioni hetimor është seanca plenare, por këtë nuk e lejuar. Kjo e demaskoi mazhorancën sepse investimet familjare strategjike në kurriz të pasurive publike duket se është një skandal i madh që mazhoranca ai largohet si djalli temjanit. Kjo është ajo që ndodhi në mbledhjen e konferencën e kryetarëve” – tha Alibeaj.
Discussion about this post