Sekretari i Grupit të Partisë Demokratike Arbi Agalliu ka deklaruar se Partia Socialiste u tërhoq nga pakti i propozuar nga PD-ja, pasi pa emrat e kandidatëve për President.
Agalliu ka publikuar videon e mbledhjes për Presidentin e ri, teksa shkruan se Taulant Balla u tërhoq nga dokumenti, me të cilin ai vetë ra dakord para syve të kamerave dhe shqiptarëve.
““Pacta sunt servanda”. Është ky minimumi i seriozitetit që procesi i zgjedhjes së Presidentit meriton të ketë.
Taulant Balla u tërhoq nga dokumenti i PD, me të cilin ai vetë ra dakord para syve të kamerave dhe shqiptarëve. Mesa duket, pasi mësuan kandidatët e propozuar nga deputetët e PD, njerëz seriozë e me integritet, që nderojnë Shqipërinë, u tërhoq pa shpjegim dhe bën sikur nuk kupton”, shkruan ndër të tjerash Agalliu.
Ai vazhdon më tej duke thënë se PS kërkon President vetëm për socialistët për ta pasur në xhep Rama dhe se këtë mund ta bëjë, me mandatet e vjedhura dhe deputetët non grata, por jo me PD.
Discussion about this post