Kreu i Partisë Demokratike, Lulzim Basha ka reaguar pasi deputetja e PS, Ermonela Felaj deklaroi se selia rozë do të padisë në SPAK Jorida Tabaku pasi shkeli ligjin duke takuar Arben Krajën.
Në një postim në Facebook, Basha i del në mbrojtje Tabakut, ndërsa shton se e gjitha është bërë për të penguar punën e Komisionit Hetimor për Inceneratorët, që sipas tij po fakton vjedhjen e 430 milionë eurove nga qeveria Rama.
“Edi Rama dhe PS po bëjnë gjithçka për t’i ikur drejtësisë. Ata po përpiqen ta pengojnë dhe të largojnë vëmendjen nga puna e madhe që ka kryer Jorida Tabaku me Komisionin Hetimor për inceneratorët. Ne nuk do të tërhiqemi, por do të vazhdojmë të vendosur punën për të zbuluar gjithçka, deri në fund. Shqiptarët e dinë që qeveria ka shumë për të fshehur, dhe që ky komision po i zbulon dita ditës se si ata kanë vjedhur 430 milionë euro. Ne inkurajojmë prokurorët të bëjnë punën e tyre dhe i bëjmë thirrje Ramës dhe PS që të mos nervozohen, ndonëse duket qartë se pse kanë gjithë arsyet e botës për t’u frikësuar”, shkruan Basha.
Discussion about this post