Kreu i PS, Edi Rama, do të mbledh sot kryesinë e selisë rozë në orën 17:30. Lajmin e ka bërë të ditur vetë PS përmes një njoftimi zyrtar, ndërsa në fokus të kësaj mbledhjeje do të jenë zgjedhjet e pjesshme lokale të 6 marsit, në bashkitë Shkodër, Durrës, Dibër, Vorë, Lushnjë e Rrogozhinë
Sakaq, bëhet me dije pritet të zbardhen emrat e kandidatëve të cilët do të konkurrojnë në zgjedhjet e pjesshme lokale të 6 marsit në 6 bashki të vendit ku nuk ka një kryetar të zgjedhur.
Ndërsa më herët gjatë ditës së sotme edhe LSI ka konfirmuar pjesëmarrjen e saj në zgjedhjet lokale të 6 marsit. Pritet që më tej të zbardhen detaje të reja mbi mënyrën sesi LSI do marrë pjesë në këto zgjedhje, me kandidat konkret apo me koalicion zgjedhor.
Discussion about this post