PS mbledh Kryesinë të premten! Presidenti zgjidhet të shtunën

në Politikë

Kohë leximi: 1 min

Të premten Partia Socialiste do të mbledhë kryesinë në orën 17:00, ku pritet që të diskutohet për emrin e kandidatit/es për presidentin e ri të vendit. Më pas pritet që të mblidhet grupi parlamentar i Partisë Socialiste ku do të diskutohen emrat e më pas do të kalojë për votim.

Mësohet se ditën e shtunë do të zhvillohet një seancë e posaçme për zgjedhjen e Presidentit të ri të vendit. Seanca pritej që të zhvillohej të hënën, por për shkak të agjendës së kryeparlamentares Lindita Nikolla e cila do të zhvillojë një vizitë jashtë vendit, seanca do të mbahet të shtunën.

RENDI I DITËS:

Informacion mbi mbledhjen e kandidaturave për kryetarët e partisë në 61 bashkitë e vendit dhe procesin e mëtejshëm;
Udhëzim mbi detyrat e të deleguarve në funksion të zbatimit të kalendarit politik të miratuar në Asamble;
Projektvendim për miratimin e nivelit të pagave të Sekretarëve Ekzekutiv në nivel Qarku dhe Sekretarëve Ekzekutivë të partisë në nivel bashkie. Projektvendim për miratimin e nivelit të pagave të strukturës organizative të aparatit qendror të Partisë Socialiste;
Ecuria e procedurave të zgjedhjes së Presidentit të Republikës dhe vendimmarrja e Partisë Socialiste;
Çështje të tjera jashtë rendit të ditës. Mbledhja do të zhvillohet ditën e premte, datë 03.06.2022, ora 17:00, në Selinë e Partisë Socialiste.