Menjëherë pas fitores së mandatit të tretë, Partia Socialiste ka filluar nga Lezha turin e takimeve të 12 drejtuesve të rinj politik në qarqe.
Me anë të një postimi në facebook, Sekretari i Përgjithshëm i PS, Damian Gjiknuri ka njoftuar prezantimin e Blendi Klosit si drejtuesin i ri të Lezhës që zëvendëson Lindita Nikollën.
Nikolla është tashmë kryetare e Kuvendit, kurse për Klosin GJiknuri u shpreh i bindur se di t’ia dalë më së miri me rezultate maksimale dhe se në Lezhë do të përmirësohet rezultati.
Gjiknuri thekson në cilësinë e detyrës së re se do të mbështesë këdo në mënyrë që të përmbushen të gjitha detyrat e caktuara në Asamblenë Kombëtare.
