Pak pasi Partia Socialiste nisi procedurat për propozimet e kandidaturave për emrin e kreut të ri të shtetit, ka reaguar presidenti Ilir Meta me një postim në rrjetet sociale, duke i injoruar këta të fundit.
Përmes një statusi në Facebook, Meta bën me dije se ai ndodhet në Kalabri në takim me shqiptarët atje, ndërkohë që anëtarët e grupit parlamentar socialist po votojnë për emrin e kreut të ri të shtetit që do të propozojnë.
“Përherë i nderuar nga mikpritja e ngrohtë e Arbëreshëve. I lumtur që ndodhem sot në qytezën e bukur të Civita, ku fryma e atdhedashurisë dhe krenaria për historinë, traditën, kulturën dhe trashëgiminë kombëtare ruhen ende të gjalla si në Motin e Madh të Kryeheroit tonë Gjergj Kastriot Skënderbeut”, shkruan Meta.
Discussion about this post