PS-PD të ndarë në raporte, por bashkohen për të marrë pagën shtesë për orarin e gjatë në Komisionin “TIMS”

Një pagë shtesë si shpërblim për orarin e gjatë në punë, ishte e vetmja pikë për të cilën as Partia Socialiste, as Partia Demokratike, nuk kishin kundërshtime.

Anëtarët e mazhorancës dhe anëtarët e opozitës në Komisionin Hetimor për të dhënat e “TIMS” ranë dakord për të marrë shpërblimn. “Duke ju falënderuar për punën, propozimi është për të marrë një vendim të ndërmjetëm për të marrë një pagë shpërblim për shkak të orëve shtesë”, tha kryetari i Komisionit, Ervin Salianji, pavarësisht se pak më herët akuzoi kolegët socialistë se “nga 3 muaj e ca punë, dy muaj kanë qëndruar në tualet”.

Ndërkohë, në fund të punimeve të “TIMS-it”, u miratua vetëm raporti i përgatitur nga socialistët, ndërkohë që u rrëzua raporti i demokratëve dhe propozimi i Salianjit për t’i bashkuar raportet në një të vetëm.

gijotina.com/