Kreu i grupit parlamentar të PS, Taulant Balla propozoi në Konferencën e Kryetareve që votimi për Presidentin e ri të vendit të zhvillohet ditën e shtunë, më datë 4 qershor, ora 18:00.
Balla shtoi se afati i depozitimit të kandidaturës është data 4 qershor ora 12:00 në Sekretarinë e Kuvendit, ndërsa afati i shqyrtimit të kandidaturës nga Komisioni i Ligjeve është data 4 qershor ora 16:00.
Tashmë socialistët kanë mundësi që të zgjedhin të vetëm emrin e presidentit të ri të vendit, duke qenë se Kushtetuta parashikon që kreu i shtetit në raundin e katërt dhe të pestë mund të zgjidhet me 71 vota deputetësh.
Palët dështuan që të gjenin një marrëveshje me bazë të gjerë për pasuesin e Ilir Metës në Presidencë, me opozitën e përçarë, ku një pjesë u bë palë në proces, dhe pjesa tjetër mbeti e përjashtuar.
Discussion about this post