Ish-kryeministri Sali Berisha ka reaguar pasi PS rrëzoi kandidaturën e Simon Mirakës për anëtar të Autoritetit për të Drejtën e Informimit mbi Dokumentet e ish-Sigurimit të Shtetit. Nga Kuvendi, Berisha e cilësoi këtë si akt të shëmtuar.
“Në një akt të shëmtuar, sot refuzuan Simon Mirakën një nga ikonat e vuajtjes së persekutimit. Disedent në një familje të shkëlqyer dhe një kombinim individësh që i lidh krimi i fshinë emrin për të shkuar anëtar te komisioni i dosjeve të sigurimit të shtetit” tha Berisha.
Reagimi i ish-kryeministrit vjen pasi Taulant Balla tha më herët sot se kandidatura u rrëzua pasi mbante firmën e Sali Berishës. Ndërkohë që diskutohet ligji për mbrojtjen nga diskriminimi, Berisha solli një sërë kategorish sipas tij të diskriminuara në vend, si të varfrit, demokratët, ish të përndjekurit dhe pronarët.
Discussion about this post