Gjatë debatit në Komisionin e Ligjeve, deputeti demokrat Enkelejd Alibeaj akuzoi mazhorancën në Komision se tregoi fytyrën e vërtetë duke mos votuar hapjen e dosjeve të ish-Sigurimit të Shtetit”.
Ai e cilësoi mazhorancën si “pjellë e Partisë së Punës” dhe si “shkaktarë të dhimbjeve”, ndërsa shtoi se këta të fundit nuk dëshirojnë hapjen e dosjeve pasi i përdorin ato për shantazhe.
“Këto zvarritjet tuaja tregojnë qëndrimin tuaj politik dhe fytyrën e vërtetë të mazhorancës. Nuk bëtë gjë tjetër veçse i mbyllët dosjet, treguat fytyrën tuaj të vërtetë sepse me dosjet e sigurimit mbahen njerëz të lidhur edhe në politike dhe në administratë. Vota juaj kundër hapjes së Dosjeve tregoi fytyrën tuaj. Sikur po kërkoni të mbroni viktimat e sigurimit të shtetit sepse duke hapur dosjet gërryhen plagët e vjetra. Pjella e Partisë së Punës, shkaktarë të dhimbjeve. Kjo është mënyra më makabër për të treguar që nuk keni sensibilitet njerëzor. A mund ta them deri në fund? Te hiqni edhe fjalën tani. Sapo votuat kundër amendamentit dhe argumenti ishte ky, të mos hapen dosjet e ish-sigurimit. Unë po ju them që nuk dua ta kthej në çështje politike dhe duhet të votohet për hapjen e tyre, për ata që kanë kryer krime por edhe për viktimat. Ju nuk doni që e vërteta të dalë në shesh, sepse ju duke pasur dosjet i përdorni për shantazh”, tha Alibeaj.
Discussion about this post