Mazhoranca ka rrëzuar kërkesën e ish-kryeministrit Sali Berisha, i cili kishte kërkuar interpelancë urgjente me kryeministri Edi Rama.
Kërkesa e Sali Berishës u hodh për votim në Kuvendin e Shqipërisë, teksa u rrëzua me 69 vota kundër dhe 29 vota pro. Pas kësaj, deputeti i Partisë Demokratike Edmond Spaho ka shpërthyer kundrejt mazhorancës socialiste
Spaho tha se me këto qëndrime që po mbajnë së shpejti do të zbythen.
“Në të ardhmen do të zbytheni me këto qëndrime që po mbani. Do keni precedent që do t’ju vijnë dhe nga PE. Çfarë do të bëni seancën tjetër kur t’ju vij shkresa do ta lexosh, si çeçua do ta lexosh, është një realitet dhe mos vazhdoni me këtë kokëfortësi,” tha Spaho.
Më herët, nënkryetarja e Kuvendit, Ermonela Felaj, tha se dihet që ka një vendim të gjykatës që nuk lejon Berishën të marrë pjesë ne seancat plenare.
Por deputetja demokrate, Albana Vokshi, e cila mori të drejtën e fjalës, tha se mazhoranca ‘tmerrohet nga Berisha’ dhe as nuk guxon t’ia përmendë emrin.
“Emri i Sali Berishës ju tmerron. Ku është ai vendim gjykate që ia ndalon atij të ushtrojë të drejtën e deputetit,” tha ajo.
Discussion about this post