PS ka tërhequr nga votimi sot në parlament projektligjin për amnistinë penale. Ky projektligj do të njoftohet në fillim të seancës nga kryetarja e kuvendit që është tërhequr.
Kryetari i grupit parlamentar të PS, Bledi Cuci e konfirmoi tërheqjen e këtij projektligji për votim në seancën e sotme.
Amnistia gjatë ditëve të fundit shkak përplasje mes mazhorancës dhe opozitës për shkak të një amendamenti që përfshihet ulje dënimi edhe për persona të dënuar nga GJKKO për shpërdorim detyre dhe korrupsion. Ministri i drejtësisë Ulsi Manja deklaroi dhe se nuk do te ketë amnisti për asnjë çështje e cila është nën hetim nga Gjykata e Posaçme.
Ndërkohë deputetët e rithemelimit u shprehen se nuk do të marrin pjesë në votim, përsa kohë që nuk respektohen të drejtat e tyre në kuvend, ku në plan të parë është ngritja e komisioneve hetimore.
Edhe deputetët e Lulzim Bashës u shprehën kundër votimit të këtij projektligji, çfarë bën të pamundur që mazhoranca të sigurojë 84 votat e nevojshme për të kaluar këtë projektligj.
Discussion about this post