Partia Social Demokrate ka dorëzuar ditën e sotme në KQZ listat me emrat për anëtarët e KZAZ-ve për zgjedhjet vendore të 14 majit. Disa ditë më parë, PS, PL dhe PD e Berishës dorëzuan emrat.
Komisioni Qendror i Zgjedhjeve do të presë propozime për anëtarë dhe kryetarë të 92 komisioneve Zonale të Administrimit Zgjedhor nga të gjitha subjektet politike, por në rastin e PD-së, kryekomisioneri do t’i drejtohet Gjykatës së Tiranës, për të marrë përgjigjen se kush është mes të dyve organi drejtues i Partisë Demokratike.
Gjykata duhet të vendosë të paktën deri më 6 mars kur është edhe afati i fundit për regjistrimin zyrtar të partive politike në KQZ për garën elektorale të 14 majit.
Discussion about this post