“Raportin tonë me drëjtësinë e kemi bërë të qartë në mbledhjen e fundit të Asamblesë Kombëtare të PS”, tha Kryeministri Edi Rama, duke iu përgjigjur pyetjes nëse largimi i Damian Gjiknurit nga posti i Sekretarit të Përgjithshëm ka lidhje me përfshirjen e emrit të tij në dosjen e inceneratorëve.
Rama tha se Gjiknuri e ka bërë shumë mirë punën e tij, ndërsa shtoi se nëse i hyjmë analizave, vështirë se mund të mbetet në këtë vend ndonjë person që nuk do të bëhet pis.
Duke i konsideruar si spekulime ato që thuhen, Rama tha se ndryshimet dhe lëvizjet në rradhët e socialistëve, bëhen për të çuar punën në një tjetër nivel.
Rama tha se ne dallohemi nga të tjerët pasi shikojmë nga vetja për të shkuar më lart, ndërsa ata asnjëherë nuk shikojnë nga vetja e tyre por shikojnë gjithmonë nga të tjerët.
Discussion about this post