Kampionati Botëror “Katar 2022” është shoqëruar që në fillim me polemika. Kompeticioni i rëndësishëm mbahet tradicionalisht në fund të sezonit, por këtë herë është dashur që të ndryshoheshin datat në mënyrë që të ambientoheshin me klimën e Katarit.
Vapa e verës në Lindjen e Mesme detyroi garat kombëtare të ndalonin për një muaj e gjysmë dhe të zhvendosnin të gjithë kalendarin e tyre për t’i lënë vend turneut.
Dita e nesërme është një ditë shumë e rëndësishme për vendin arab. 18 dhjetori është festa kombëtare e Katarit. Të dielën vendasit festojnë themelimin e shtetit të Katarit . Dita më e rëndësishme në historinë e sportit në vendin e Lindjes së Mesme do t’i shtohet datës së caktuar çdo vit nga qytetarët.
Stadiumi “Lusail” do të mirëpresë pothuajse 80,000 njerëz në datën 18 për ndeshjen mes Argjentinës dhe Francës. Mbappe dhe Messi do të kërkojnë të arrijnë titullin e tretë të Botërorit për secilën nga skuadrat. Në rastin francez do të ishte i dyti radhazi, ndërsa “albicelestët” nuk e kanë fituar Kupën e Botës prej 32 vitesh, që kur Maradona e arriti atë në Botërorin 1990 në Itali.
Discussion about this post