“Pse hesht policia?”/ Klodiana Lala tregon dy shtetet ku po kërkohet për Ervis Martinajn

Gazetarja Klodiana Lala ka folur sërish për zhdukjen e të shumëkërkuarit Ervis Martinaj. Ajo tha se kjo histori vijon të jetë mister dhe plot me enigma. Lala shtoi se autoritetet shqiptare po kërkojnë informacion në Itali dhe Maqedoni të Veriut për zhdukjen e të shumëkërkuarit Ervis Martinaj.

“Pse policia hesht? Duhet të ushtrojmë presion pozitiv ndaj ministrisë që të na japë një përgjigje dhe për të qetësuar familjarët dhe për të kuptuar se çfarë po ndodh me këtë histori. Një kryeministër nuk mund të dalë dhe të thotë që dimë disa të dhëna. Autoritetet shqiptare kanë kërkuar në drejtim të dy vendeve, por janë kërkuar të dhëna përmes shenjave të gishtërinjve në shtetin italian Romë dhe janë kërkuar në Maqedoninë e Veriut. Është një çështje e madhe do të kërkojë shumë kohë për ta sqaruar”, u shpreh Lala.