Pse humbi jetën i riu shqiptar në Greqi? Del përgjigja e autopsisë

Orgito Lloci humbi jetën nga shkaqe patologjike. Kështu raportojnë mediet greke për vdekjen e 20-vjeçarit shqiptar i cili humbi jetën ditën e djeshme në Greqi pasi u përfshi në një debat me dy të rinj grekë.

Raportohet se pas analizave mjeko-ligjore, mjeku ka konstatuar se 20-vjeçari kishte probleme me zemrën.

Për shkak të sherrit në të cilin është përfshirë, i riu ka qenë i stresuar. Ai ka pësuar komplikime dhe më pas është rrëzuar në rrugë.

Dy 24-vjeçarë grekë janë arrestuar pas ngjarjes, ndërsa tre persona të tjerë të cilët ishin të pranishëm në debat u lanë të lirë.

Dy të rinjtë grekë pritet të dalin nesër para gjykatës.