Ish-ministri i Shëndetësisë, Tritan Shehu, ka treguar sot gjatë një interviste televizive se tetë mijë euro qira në ‘Air Albania’ ditën e shtunë për Kuvendin e 11 dhjetorit, do e paguajnë vullnetarët. Sipas tij, ‘Foltorja’ e Sali Berishës financohet nga dëshira e njerëzve për ndryshim. “Nuk merrem me anën administrative është vullnetarizmi i njerëzve, është dëshira e njerëzve për ndryshim, vullnetarizëm që ka vënë në zbatim këtë motor të fuqishëm që në 11 dhjetor do të zyrtarizohet dhe do të përmbysë regjimit”, tha Shehu.
Ndër të tjera, ai ka komentuar me ironi Kuvendin e 18 dhjetorit të thirrur nga Lulzim Basha. Për Shehun, ky i fundit humbi çdo shans për të thirrur delegatët për krizën brenda në Partinë Demokratike. “Pse ka Kuvend në datën 18? Ka një rregull statutor, Basha kishte të drejtë ta thërriste para se të mblidheshin firmat, i takon lidershipit për krizën e thellë, nuk u bë kjo gjë, në momentin që u mblodhën firmat, nuk ka asnjë Kuvend tjetër pas 11 dhjetori, prevalon thirrja e Kuvendit të datës 11 se është thirrur nga masa dhe është koha kohore, që kur u mblodhën firmat nuk ka asnjë iniciativë tjetër”, tha Shehu.
Ai përjashton mundësinë që ky Kuvend të sjellë përçarjen e PD-së, përkundrazi. Shehu e ka cilësuar si një Kuvend të bashkimit, e ndërsa tregon me detaje se çdo të ndodhë në 11 dhjetor.
Discussion about this post