Kryetari i Partisë së Lirisë, Ilir Meta, ka folur nga Jala për zhvillimet më të fundit në vend, duke nisur nga hetimet që SPAK ka nisur ndaj tij. Ai tha në një intervistë se e nuk ka asnjë njohuri apo kuriozitet për ndonjë hetim të SPAK ndërsa shtoi se mezi po pret shtatorin.
Pyetje: Pse përdorni mbiemrin Meta dhe jo Metaj ?
Meta: Për lehtësi në komunikim me publikun, është çështje tjetër. Unë kam qenë e jam ai që më njohin të gjithë.
Pyetje: Po në formularin e deklarimit?
Meta: Nuk ka asnjë rëndësi kjo çështje, certifikata publike një kontribut tjetër për SPAK. Ku të dojë SPAK formularët ti kërkojë nga çerdhja e gjithçka tjetër. Ne i çojmë çdo ditë letra, shkresa, firma të Edi Ramës të ministrave të përfshirë në aferën më skandaloze e më të zezë.
Kur u njohët me faktin që SPAK ka nisur këtë hetim?
Meta: S’kam asnjë njohuri të veçante e asnjë kuriozitet për çdo hetim. Jam njohur me urdhrin e porosinë e kryetarit të partisë shtet ne kongresin e partisë se tij ndaj SPAK për të nisur hetime për Ilir Metën dhe Sali Berishën e ata që i kanë prishur gjumin përgjithmonë këtij zotërie që i ka rënë skema e pasjes së opozitës në xhep e tani me opozitën përballë ka dalë zbuluar me skandalet e tij në krye të qeverisë
Pyetje: Socialistët shtatorin e shohin si një muaj përballje me ju për shkak të një dosje të pretenduar në ngarkimin tuaj?
Që nga 25 korriku unë kam dalë përballë të gjithë atyre të cilët kanë një kohë të gjatë që punojnë kundër interesave kombëtare, interesit të shtetit tonë, interesit publik, kundër rinisë, duke nxitur depresionin, demotivimin e saj e largimin me qëllim zëvendësimin me bangladeshas. Unë mezi po e pres 1 ,2 shtatorin e në vijimësi, tani jemi në një fushë ku pa asnjë diskutim do fitojë e drejta, e vërteta, ata patjetër do stisin e do shpikin por këtë radhë do shpartallohen.
Discussion about this post