Sardi Struga dhe Erisa Govaçi kanë treguar një kimi mjaft të madhe me njëri-tjetrin që ditën e parë në “Dancing With The Stars”. Madje publiku dhe jo vetëm, kanë menduar se ata mund të jenë çift.
Këngëtari i njohur ishte ditën e sotme i ftuar në emisionin “Dancing With The Stars Fan Club”, ku moderatorja Kiara Tito i tregoi atij një koment që kishte lexuar në rrjetet sociale për ata të dy.
Kiara shprehet se kur ata kanë qenë në premierën e filmit “Në Kuadër të Dashurisë”, fansat kanë parë kiminë mes tyre dhe kanë hedhur dyshimet se janë bashkë.
Nga ana tjetër, koreografi i njohur Albi Nako e pyeti Sardin se pse nuk fejohet me Erisën?
Nako shprehet se ‘ka konstatuar se kimia mes tyre është deri në kufinjtë e një dashurie”.
Këtu ndërhyn konkurrenti i spektaklit të kërcimit, i cili tregon se si qëndron e vërteta. Struga tha se ish-partnerja e tij në skenë është e lidhur.
Nga ana tjetër, Albi Nako shton:
“Nëse kimia juaj ka qenë aq e vërtetë sa mua si publik më ka dhënë përshtypjen se jeni një çift, për këtë ju them bravo se e keni bërë lojën aq të vërtetë”.
Kujtojmë se balerina e njohur ka pësuar një dëmtim gjatë provave të Dancing, dhe si pasojë asaj i duhet që të qëndrojë 6 javë jashtë sallës së provave dhe spektaklit të kërcimit.
Discussion about this post