Deputeti i Partisë Demokratike, Luçiano Boçi ngriti shqetësimin nga foltorja e Kuvendit për tre ngjarjet të rënda të ndodhura së fundmi në vend. Boçi deklaroi se abuzimi i 6-vjeçares në Kamëz, 11-vjeçares në Lushnje dhe rasti i sotëm në Gjirokastër është kaluar në heshtje. Deputeti demokrat theksoi se asnjë reagim nuk ka ardhur nga kryeministri dhe ministritë e Arsimit dhe Shëndetësisë.
“Tre ngjarje shumë të rënda kanë kaluar në heshtje. E para është dhunimi i 6-vjecares në Kamëz, 11 vjeçares në Lushnje dhe sot e përdhunimit të 16-vjecares. Këtu nuk tregohet dhe fshihet, atë pjesën e dramës së familjes shqiptare. Në rastin e vogëlushes mori përmasa ulëritëse, jeta përtej ekraneve në Shqipëri kështu është, copëza dramash. Ndodhi drama e 6-vjeçares. Ku është kryeministër? Pse nuk flet, na tregon me gishtin e tij satelitin. Ku është ministrja e Arsimit? Pse nuk reagoi, asnjë deklaratë nuk ë është bërë. Por ajo ministria e Fëmijëve ku është ajo. po kjo ministria tjetër e Shëndetësisë ku është, pse nuk reagon,” u shpreh ai.
Duke iu përgjigjur Boçit, ministrja e Arsimit Evis Kushi tha se është turp që rastet e abuzimit të përdoren për politikë.
Discussion about this post