Gazetari investigativ Artan Hoxha ka zbuluar detaje të reja nga zhdukja e Ervis Martinajt.
Disa ditë më parë RENEA zhvilloi një aksion në zonën e Shijakut, ku i shumëkërkuari duket se humbi gjurmët. Ai konsiderohej si “bossi” i lojërave të fatit, ndërkohë që prej 9 gushtit nuk dihet asgjë për të.
Ndërkohë, Artan Hoxha ka deklaruar se deri më tani nuk ka asnjë provë për fatin e Ervis Martinajt. Hoxha ka theksuar se hetimi nuk mund të lihet në dorën e një prokurori të vetëm të Kurbinit për shkak se çështja është shumë e madhe. Sipas Hoxhës hetimi duhet të merret nga SPAK, ndërsa shtoi se për zhdukjen e Ervis Martinajt është një grupim i shumë grupeve kriminale në vend. Telenovela sipas Hoxhës po bëhet nga politika dhe nga hetuesit që nuk veprojnë siç duhet për të zbardhur këtë ngjarje.
Për sa u përket kontrolleve në disa banesa në Shijak, sipas Hoxhës, nëse autorët e mundshëm për zhdukjen e Ervis Martinajt mund të ishin në këtë zonë, do të kishin pasur të gjithë kohën e nevojshme për të zhdukur provat.
Discussion about this post