Terrori është kthyer në Kiev mëngjesin e sotëm, një javë pas shpërthimeve të njëpasnjëshme në urën Kerç në Krime. Këtë të hënë janë vënë në shënjestër edhe qendrat e banimit, ku shpërthimet janë kryer përmes dronëve iraniane Shaded-136 të njohur ndryshe si “dronë kamikaze”.
Sipas të dhënave të fundit nga kryetari i bashkisë së Kievit, Vitali Klitschko, 18 persona u shpëtuan nga një bllok apartamentesh e dy të tjerë mbetën të bllokuar nën rrënoja.
Në të njëjtën kohë, Forcat Ajrore të Ukrainës njoftuan se kishin shkatërruar dhjetëra dronë kamikaze në Ukrainën jugore dhe lindore. Sipas të njëjtit njoftim, sulmet e së hënës më së shpeshti kishin në shënjestër strukturat si zyrat dhe infrastrukturën e energjisë elektrike.
Presidenti ukrainas, Volodymyr Zelensky, ka raportuar se Rusia ka porositur 2400 dronë të tillë të prodhuar nga Irani që mund të mbajnë raketa me peshë deri në 50 kilogramë.
Siç vë në dukje CNN, dronët kanë luajtur një rol të madh në pushtimin e Ukrainës që nga shkurti i kaluar, por përdorimi i tyre është rritur në qiell pas marrjes, gjatë verës, të objekteve të reja të tilla fluturuese nga Irani.
Këta dronë kanë aftësinë të qëndrojnë për një kohë të gjatë në zonën që është vënë në shënjestër dhe të “goditin” kur operatori i tyre konfirmon se objektivi i dëshiruar armik është i pranishëm.
Dronët kamikaze të Iranit janë të vegjël, të lëvizshëm dhe mund të hiqen lehtësisht, por përparësia e tyre kryesore, sipas analizës së CNN, është se ata janë të vështirë për t’u zbuluar dhe ngarkesa e tyre shpërthyese mund të shpërthehet nga një distancë.
Discussion about this post