Pse u arrestua Jamarbër Malltezi në Rinas? Justifikimet që qarkullojnë

Jamarbër Malltezi u arrestua pasditen e së shtunës në mjediset e aeroportit “Nënë Tereza”.

Zyrtarisht Policia e Shtetit nuk ka dhënë asnjë deklaratë zyrtare lidhur me mënyrën se si u arrestua Malltezi, ndërsa mbrëmjen e sotme në emisione televizive po citohet zëdhënësi i Policisë të ketë ccuar mesazhe ku sqaron këtë moment.

Në emisionin “Opinion”, gazetarja Klodiana Lala, u shpreh se zëdhënësi ka thënë se Malltezi u arrestua në Rinas pasi ai nuk u gjet në banesën e tij, ndërsa telefoni i dilte i fikur.

Blendi Fevziu e konsideroi show momentin e arrestimit.

Ndërkohë në një tjetër emision, Lorenc Bangjeli, dha të njëjtin informacion, sepse Malltezi u arrestua në Rinas, duke iu referuar informacioneve se nuk ishte gjetur në banesë, madje nuk po e gjenin asgjëkundi.

Pyetja që lind është: si arriti ta gjejë operacionalja Malltezin në Rinas? Momentet e publikuara në media, tregojnë dy ose tre pjesëtarë civile të Policisë, që kapin Malltezin nga krahët dhe e futin në një automjet, dhe më pas e transportojnë drejt komisariatit të policisë.

Minimalisht në rastin konkret, Policia e Shtetit duhet të sqarojë nëse skuadra operacionale ka qenë rastësisht në Rinas, efektivët civilë, janë pjesë e strukturave policore që shërbejnë në vendin ku ai u arrestua, apo ata e kanë ndjekur Malltezin dhe e kanë arrestuar në aeroport duke bërë një show policesk.