Ditën e djeshme, dyshja më e njohur e showbiz-it të huaj, Camila Cabello dhe Shawn Mende, lajmëruan se i kishin dhënë fund lidhjes së tyre pas më shumë se dy vitesh romancë që kishin me njëri-tjetrin.
Thuhet se ka qenë Mendes që ka kërkuar ndarjen dhe këngëtarja, megjithëse nuk e ka pritur mirë, ka rënë dakord me vendimin.
“Ishte vërtet e vështirë për disa ditë, por ajo ka kaluar shumë kohë me miqtë dhe është e zënë”, tha burimi. Entertainment Tonight citoi gjithashtu burime që folën për ndarjen e tyre: “Ata e kuptuan se janë në vende krejtësisht të ndryshme në jetën e tyre dhe ishte koha për t’i dhënë fund gjërave.”
Por nuk ka qenë një ndarje e keqe apo traumatike sipas burimit, pasi dyshja e këngëtarëve vazhdojnë të komunikojnë me njëri-tjetrin dhe duan të jenë miq. Në deklaratën e tyre që dhanë pasi konfirmuan ndarjen, ata thanë: “Ne e filluam lidhjen tonë si miqtë më të mirë dhe do të vazhdojmë të jemi miqtë më të mirë”.
Discussion about this post