Princi Harry do përballet sot me Gjykatën e Lartë në Londër. Mediat e huaja shkruajnë se ai u fut me shpejtësi në ndërtesë pasi jashtë saj ishte e mbushur me plot gazetarë dhe fotografë, të cilët donin të kapnin një moment.
Sipas mediave, Harry dukej i qetë dhe i relaksuar përpara dhënies së dëshmisë. Por pse u paraqit në gjykatën e lartë.
Duka i Sussex ka çështje ligjore të hapura për shkak të ankesave kundër ‘Mirror Group’. Harry do të japë dëshmi si pjesë e betejës ligjore me gazetën, të cilën ai e akuzon për mbledhje të paligjshme informacioni.
Princ Harry me shumë mundësi mund të përballet me pyetje të detajuara për informacione shumë personale që ai pretendon se janë marrë me mjete të paligjshme, një pretendim të cilin grupi i gazetave e kundërshton.
Ai mund të përballet me pyetje rreth historive që përfshijnë marrëdhëniet e tij, nënën e tij Diana, situatën me Meghan Markle në pallat dhe jetën e tij.
Discussion about this post